Татарстанда нәни баланың тугызынчы каттан егылып төшүе видеога эләккән
Татарстанда 27 мартта Кама Аланы бистәсендә биш яшьлек бала күпкатлы йортның тугызынчы катыннан егылып төшкән.
"Татар-информ"га Татарстан буенча Тикшерү комитеты идарәсе җитәкчесенең өлкән ярдәмчесе Андрей Шептицкий хәбәр итте, баланың әнисе эшкә киткән. Бераз авырып торган баласын иптәш хатыны белән калдырган. Бу хатын исә баланы үзен генә калдырып, кибеткә чыгып киткән. Бала тәрәзә төбенә менеп баскан һәм тугызынчы каттан егылып төшкән.
Биш яшьлек бала үлеме буенча җинаять эше ачылган.
НТР каналы бала егылып төшкән мизгел видеосын күрсәтте:
