Татарстанда мотоцикл йөртүче упкынга төшеп киткән, пассажиры һәлак булган (видео)
Татарстанның Югары Ослан районында фаҗига: люлькалы “Урал” мотоциклында ике ир-ат тирәнлеге ун метрдан артык упкынга килеп төшә. Бу хакта “Татар-информ” мәгълүмат агентлыгына хокук саклау органнарындагы шәхси чыганак хәбәр итә.
Мотоциклдагы ир-атларның берсе туганнарына шалтырата алган, соңгылары, үз чиратында, барлык ашыгыч хезмәтләрне чакырган. Фаҗига нәтиҗәсендә, башы нык яраланган 53 яшьлек ир, аңына килә алмыйча, хастаханәдә җан бирә. Аның 58 яшьлек иптәше, кабыргалары сынып, госпитализацияләнә.
