Татарстанда «Мерседес» бәрдергән кыз үлгән
Казанның Совет районында «Мерседес» автомобиле көтмәгәндә трассага йөгереп чыккан кызны бәрдергән, дип хәбәр итә Татарстан буенча Эчке эшләр министрлыгының матбугат хезмәте.
Кичә Мәскәү – Уфа трассасының 824нче чакрымында Чабакса авылы тирәсендә 25 яшьлек кыз тизлеген арттырган чит ил автомобиле тәгәрмәче астына килеп кергән. Ул юлга кинәт йөгереп чыккан, киемендә яктылык кайтаргыч элементлар булмаган. Бу турыда "Татар-информ" хәбәр итә.
Юл-транспорт һәлакәтендә кыз алган җәрәхәтләрдән шунда ук үлгән.