Тукай районында ир-ат белән хатын-кыз квадроциклда йөргәндә һәлак булган. Бу турыда «Татар-информ» хәбәр итте.
«Бриз» бакчачылык ширкәтендәге фаҗига урыныннан кадрларны Тукай районы прокуроры Руслан Галиев күрсәткән.
Ир белән хатын мәетен төнлә тапканнар.
Прокуратураның якынча белешмәсе буенча, пар квадроциклда йөри. Йөртүче идарәсен югалта, һәм транспорт чарасы әйләнеп каплана.
Ир-ат та, хатын-кыз да урында ук үлә, диелә хәбәрдә.
