Татарстанда кроссовер туктап торган ун машинаны бәрдергән (фото, видео)

Чаллыда берьюлы берничә машинаны бәрдергән йөртүчене тоткарладылар, дип хәбәр итте Эчке эшләр министрлыгының матбугат хезмәте.

41 яшьлек машина йөртүче үз өе янында парковкада торган машиналарны бәреп киткән.

«Челнинские известия» ак төстәге кроссоверның туктап торган берничә машинага зыян китерүен хәбәр итте.

Туктап торган «Рено» бәрелүдән соң 32 яшьлек хатынны таптаган. Бу хатын җиңелчә курку белән котылган, имгәнмәгән.

"Татар-информ" агентлыгы бу вакыйгада ун машина зыян күргән, машина йөртүчене тоткарладылар, дип хәбәр итте.

Адекват булмаган машина йөртүчене узып баручылар тоткарлаган. Алар бу кешене полиция килеп җиткәнче җибәрми торган.

Тоткарланган машина йөртүче медицина тикшерүеннән баш тарткан. Аңа карата ике протокол төзегәннәр.

Комментарийлар (0)