Татарстанда коточкыч юл һәлакәте: дүрт машина бәрелешкән

Татарстанда өч җиңел машина һәм бензовоз бәрелешкән. Юл һәлакәтендә бер кеше үлгән, өч кеше имгәнгән. Бу турыда Татарстан буенча Эчке эшләр министрлыгы матбугат хезмәте «Татар-информ» агентлыгына хәбәр итте.

Бүген Казан-Оренбург юлының 299 нчы километрында бензовоз машинасын йөртүче тизлеген арттырган. Ул каршы як полосага чыккан һәм «Черри», «Рено», «Гранта» машиналарын бәрдергән.

«Черри» машинасын йөртүче урында һәлак булган. Тагын дүрт кешене хастаханәгә озатканнар.