Бүген, 5 октябрьдә, Татарстанда һава температурасының бераз күтәрелүе көтелә. Бу хакта Татарстан Гидрометеорология үзәге хәбәр итә.
Республикада аязучан болытлы һава торышы саклана. Көндез явым-төшемнәр туктый.
Төньяк-көнбатыштан секундына 6–11 метр тизлектә җил исәчәк, урыны белән аның тизлеге 16 метрга кадәр җитәчәк. Казанда җил тизлеге секундына 14 метрга кадәр көчәергә мөмкин.
Кышкы салкын төннән соң Татарстанда көндез һава температурасы +6..+11 градуска кадәр күтәрелә. Республика башкаласында термометрлар +8..+11 градус күрсәтәчәк, диелә хәбәрдә.