16 ноябрьдә Татарстанда һава торышы начарланачак, кисәк суыту, көчле җил һәм бозлавык көтелә. Бу турыда синоптикларга сылтама белән https://kazanfirst.ru яза.
Төнлә һәм иртән карлы яңгыр, аннары кар явар, дип көтелә.
Гадәттән тыш хәлләр министрлыгы белешмәсе буенча, күз күреме 1 км дан кимрәк була.
Температура -5 градуска кадәр төшә, җил тизлеге секундына 16-21 метрга кадәр җитә. Бу – шәһәр агымында җиңел машина тизлеге, диелә хәбәрдә.
Юлларда бозлавык, урыны белән бик көчле бозлавык, шулай ук кар боткасы барлыкка килүе ихтимал.
Төшкә таба һава торышы бераз яхшыра, явым-төшем бетә, температура нульгә кадәр күтәрелә, бозлавык саклана, диелә хәбәрдә.