Татарстанда кайнатасы килененә пычак белән кадаган
51 яшьлек ир-ат белән 30 яшьлек хатын-кыз салып утырганда талашып киткәннәр.
7 сентябрьдә Иске Чаллы авылында килененә пычак белән кадаган ир-атны 15 елга ирегеннән мәхрүм итүләре ихтимал. Бу турыда Татарстан буенча Эчке эшләр министрлыгы матбугат хезмәте хәбәр итте.
Моңа кадәр дә хөкем ителгән 51 яшлек ир-ат улының 30 яшьлек бергә яши торган хатыны белән спиртлы эчемлек эчеп утырган. Бир мизгелдә бу кешеләр талаша башлаган. Ир-ат пычак алып килененә суккан.
Имгәнгән хатынны Нурлат Үзәк район хастаханәсенә китергәннәр.
51 яшьлек ир-атны үтерергә җыенуда шикләнеп тоткарлаганнар. Аңа беркая да чыгып китмәү турында имза куйдыртканнар. Бу кешене 15 елга ирегеннән мәхрүм итү ихтималы бар, диелгән әлеге хәбәрдә.
