Татарстанда кар кайчан эреп бетәчәк?
Хәзер кар катламы биеклеге 70 см, ә еллык уртача норма 40 см гына.
КФУ профессоры Юрий Переведенцев фикеренчә, Татарстанда кар апрель уртасында гына эреп бетәчәк. Бу турыда «Челнинские известия» яза.
Метеорология, климатология һәм атмосфера экологиясе кафедрасы профессоры Юрий Переведенцев фаразлары белән уртаклашкан.
«Хәзер без антициклон сырты йогынтысында, ләкин якын көннәрдә көнбатыштан атмосфера фронтлары булган циклон килә, басым кими башлый, температура артачак, явым-төшемнәр башлана, юеш кар, карлы яңгыр була», — ди ул.
Переведенцев сүзләренчә, явым-төшем буенча күпьеллык норма быел ике тапкыр артык була. Инде хәзер үк кар катламы биеклеге 70 см, ә еллык уртача норма 40 см гына.