Татарстанда күп балалы хатын сабыйларына пособие акчасына Сочига китеп югалган
60 мең акча килгәч, әни кеше ял итәргә киткән.
Балык Бистәсе районында яшәүче 35 яшьлек хатын балалар өчен күп итеп пособие алган да ял итәргә киткән. Бу турыда Mash Iptash телеграм-каналына сылтама белән «Челнинские известия» яза.
Бу хатын улларын һәм кызларын үзе генә тәрбияли. Ул үзе салгалап та йөри. Уку елы алдыннан аның балаларына 60 мең сум «Путин түләүләре» килә. Бу акчага балаларны мәктәпкә әзерлисе, инвалид баласына дарулар аласы урынга, әни кеше үзе генә Сочига ял итәргә бара.
35 яшьлек әни бөтен пособие акчасына билет ала һәм җылы якка китеп югала. Туганнары аннан зарланып полициягә гариза яза, диелә бу хәбәрдә.