Татарстанда көнче ир хатынын пленка белән чолгап, вәхшиләрчә кыйнаган

"Челнинские известия" хәбәр иткәнчә, көнче ир бик вәхши ысул белән бергә яши торган хатынын җәзалаган. Ул хатынны урындыкка утырткан, азык-төлек өчен кулланыла торган пленка белән чолгаган һәм бик озак йодрыклары белән тукмаган.

Имгәнгән хатын табибларга мөрәҗәгать иткән. Соңыннан полициягә гариза язган. Нәтиҗәдә бу иргә карата җинаять эше ачылган. Ул үз гаебен өлешчә генә таныган. 

Суд көнче "Отелло"ны өч елга ирегеннән мәхрүм итеп, гомуми режимлы колониягә озатты, диелә әлеге хәбәрдә.