Чаллы янындагы бакчачылык ширкәтендә янгында ир белән хатын һәлак булган. Бу турыда «Челнинские известия» яза.
Биредә йорт һәм мунча янып беткән. Хәрабәләрне актарганда, 2 мәет табылган. Аларның ирле-хатынлы булуы билгеле.
Фаҗига «Уңыш» ширкәтендә була. 2 катлы йорт һәм мунча яна.
Янгын сүндерүчеләр 70 яшьлек хатын-кыз һәм 69 яшьлек ир-ат мәетен таба. Якынча белешмә буенча, ир белән хатын бакча йортында яшәгән, диелә хәбәрдә.
