Татарстанда иң кыйммәтле бер бүлмәле фатир ничә сум тора?
Татарстан бер бүлмәле фатирга югары бәяләр буенча Идел буе федераль округы төбәкләре рейтингында икенче урында тора. Рейтингны Россия онлайн-милек базары компаниясе төзегән.
Татарстанда иң кыйммәтле бер бүлмәле фатир “Берег” торак комплексында 8,9 миллион сумга сатыла. Фатирның мәйданы 62 квадрат метр тәшкил итә.
Рейтинг унлыгына Башкортстан, Татарстан, Самара өлкәсе, Пермь крае, Түбән Новгород һәм Саратов өлкәләре, Чувашия Республикасы, Ульяновск һәм Киров өлкәләре, шулай ук Мордовия Республикасы эләккән.
Идел буе федераль округлары төбәкләрендә бер бүлмәле фатирларның бәяләре 4-11,5 млн сум тәшкил итә. Рейтинг өчен икенчел базарга куелган эчләре ясалган әзер фатирлар сайлап алынган.