Татарстанда җиңел машина җәяүлене бәрдергән мизгел видеога эләккән
Зур тизлектә бара торган машина зебрадагы хатынны таптый.
Бүген Әлмәттә җәяүлеләр кичүе аша чыгып баручы хатын-кызны машина таптый. Бу вакыйга видеога эләгә.
Хатын-кыз җәяүлеләр өчен ясалган урыннан юл аша чыга, аңа бер машина юл бирә. Хатын-кыз юл уртасына җиткәч, аны башка машина бәрдерә. Бу машина зур тизлектә килә. Бәрелгәч, хатын-кыз очып диярлек китә. Машина туктый. Йөртүченең машинадан йөгереп чыгып, җирдә ятучы хатын янына баруы күренә.
«Татар-информ» агентлыгы үз чыганакларына сылтама белән хәбәр иткәнчә, 34 яшьлек җәяүле хатынның бот сөяге имгәнә. Аны хастаханәгә илтәләр.