Татарстанда хатыны белән талашкан ир балконнан егылып төшкән
Кич белән гаиләдә талаш булганнан соң, хатын күршеләренә кереп киткән.
Гаиләдә ир белән хатын талашкан. Шуннан соң, хатын күршеләренә кереп киткән. Ир исә бишенче кат балконыннан егылып төшкән. Аны хастаханәгә китергәннәр. Тик бу кеше җитди имгәнгән булган. Ул хастаханәдә җан биргән.
69 яшьлек ир-ат үзенә-үзе кул салырга җыенмаган. Фаҗига очраклы килеп чыккан. Хәзерге вакытта Тикшерү комитеты хезмәткәрләре аның ни рәвешле һәлак булуын ачыклый.
«Кич белән ул исерек булган. Хатыны белән талашкан. Хатыны күршеләргә кереп киткән, ир үзе генә өйдә калган. Балкон аша аска төшә башлаган — биредә бау табылган. Аның бу юлны ни сәбәпле сайлаганы әлегә аңлашылмый. Бәлки исерек булганга балконнан төшә башлагандыр. Психик тайпылышлар булуы да ихтимал», — дип сөйләгән Россия Тикшерү комитетының Татарстан буенча тикшерү идарәсенең криминалистика бүлегенең өлкән тикшерүчесе Александр Мещанов.