Татарстан Президенты Рөстәм Миңнеханов Сабан туен бәйрәм итү көннәрен раслады. Казанда ул 19 июньдә узачак. Бу турыда «Татар-информ» хәбәр итте.
Чаллыда Сабан туе 18 июньдә була. Район үзәкләрендә һәм авылларда Сабан туен 11-13 июньдә бәйрәм итәчәкләр.
Мәскәүдә Сабан туе 2 июльгә билгеләнгән. Федераль Сабантуй Ульяновскида 17-18 июньдә узачак.
Башкортстан Башлыгы Радий Хабиров республикада Сабантуй көннәре графигын раслады. Бу турыда «Башинформ» хәбәр итте.
Беренче Сабантуй Зилаер районында 27 майда була. 18 майда аны Бәләбәй, Бүздәк, Борай, Караидел, Ишембай, Стәрлетамак, Шаран районнарында бәйрәм итәчәкләр. Башкортстан Сабантуйларының тулы графигын сылтама аша карап була.
