Барлык язмалар news_header_top_970_100
news_header_bot_970_100
Язманы тыңлагыз

Татарстанда гөмбә җыючы ир-атны үгез чөеп ыргыткан һәм җирдән сөйрәп йөрткән

Ир-атның кабыргалары, иңбаш сөяге сынган, үпкәсе ертылган.

news_top_970_100
Татарстанда гөмбә җыючы ир-атны үгез чөеп ыргыткан һәм җирдән сөйрәп йөрткән
https://pixabay.com

Август азагында Кукмара районында 62 яшьлек ир-атны үгез сөзгән. Өлкән яшьтәге ир белән хатын урман полосасына гөмбә җыярга бара. Йөри торгач алар көтүлеккә килеп чыга. Шул чакта аларга үгез һөҗүм итә. Бу турыда «Татар-информ» агентлыгы хәбәр итте.

Хатын имгәнмәгән, ә менә аның ирен үгез чөеп ыргыткан. Аннары җирдән берничә метр сөйрәп барган. Ир-атның кабыргалары, иңбаш сөяге сынган.

Башта бу ир-атка Кукмара хастаханәсендә ярдәм күрсәткәннәр. Ләкин аның кабыргалары сынып, үпкәсенә зыян килгән булганга, хәле начарлана башлаган. Шуннан соң бу кешене вертолет белән Республика клиник хастаханәсенә илткәннәр.

«Без, травматологлар белән бергәләп, сынган кабыргаларга һәм иңбаш сөягенә титан пластиналар куйдык, үпкәсенең ертылган урынын тектек. Хәзер пациентның хәле канәгатьләнерлек, ул өйгә китәргә җыена», — дип сөйли РКХнең торакаль бүлеге җитәкчесе Валерий Матвеев. 

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100