Татарстанда фаҗига: телефонын зарядкага куйган малайны ток сугып үтергән
Алексеевск районында фаҗига: 12 нче июль көнне, Речное авылыннан ерак түгел чатыр лагеренда, кәрәзле телефонын зарядкага куйган вакытта 10 яшьлек малайны ток суга. Бу хакта "Татар-информ" мәгълүмат агентлыгы хәбәрчесенә хокук саклау органнарындагы чыганак хәбәр итә.
Ток суккан бала Алексеевск Үзәк район хастаханәсенә аңсыз хәлдә китерелә. Табиблар малайны коткарып кала алмый: ул реанимациядә җан бирә. Бала әнисе белән лагерь башлыгына кунакка килгән булган.
Фаҗига буенча башлангыч тикшерү уздырыла. Аның нәтиҗәләре буенча процессуаль карар кабул ителәчәк.
Фаҗига буенча башлангыч тикшерү уздырыла. Аның нәтиҗәләре буенча процессуаль карар кабул ителәчәк.