Әлмәтнең Шевченко урамында юл кагыйдәләрен бозып йөрүче машинаны видеога төшергәннәр. Әлеге вакыйга шәһәр халкын һәм хакимиятне борчуга салган. Видео социаль челтәрләрдә таралган. Бу турыда «Татарстан 24» каналы хәбәр итте.
«Toyota Camry» машинасында баручы егетләр үзләрен бик куркыныч тота, юл кагыйдәләрен бозалар, үзләренең дә, әйләнә-тирәдәгеләрнең дә гомерен куркыныч астына куялар.
Шаһитлар сүзләренчә, егетләр машина тәрәзәсеннән чыгып, кулларын болгыйлар, фараларын яндырмыйча гына юлда полосалардан күчә-күчә баралар.
Бу хәл күпләрнең ачуын китерә, кайсыбер йөртүчеләрнең җавапсыз булу проблемасын күрсәтә, диелә хәбәрдә.
«Бу бит – үз гомереңне куркыныч астына кую, сиңа бәрелсә, башка йөртүгә дә куркыныч тудыру. Аларга әйтеп тору файдасыз, аларны тормыш кына өйрәтә аладыр», – дип комментарий язалар.
Әлеге видео социаль челтәрләрдә таралгач, ЮХИДИ хезмәткәрләре кагыйдә бозучыларны тиз таба, полиция бүлегенә алып киләләр. Машина йөртүчегә һәм пассажирларга штраф язалар, диелә хәбәрдә.