Татарстанда булган хәл: юлда бер кызны үтереп, мәетен тукталыш янына ташлап киткәннәр

Алабуга районында Иске Казан трассасы буенча барышлый, юлда бер кызны бәрдергәннәр һәм тукталыш янына китереп ташлаганнар, дип хәбәр итә "Алабуга хәбәрләре" сайты.

Машина йөртүче "ашыгыч ярдәм" чакырмаган. Ул кызны машинасына салып, бәрдергән урыннан ераккарак алып киткән.

Шуннан соң гәүдәне Хлыстово авылы янындагы тукталыш кырыенда ташлап калдырган.

Ял көннәрендә мәетне моргка тапшырганнар. Җинаятьченең кем булуы ачыкланган, диелгән әлеге хәбәрдә.