Бүген Татарстанның берничә районында беренче кар яуган. Аерым алганда, кар Кукмара һәм Саба районнарында күзәтелгән. Бу хакта «Татар-информ» яза.
Элегрәк «Татар-информ» Казанда беренче карның 2–3 октябрьдә яву ихтималы турында хәбәр иткән иде. Шулай ук Татарстан Гидрометеорология үзәгендә октябрьнең беренче көннәрендә республикада көннәрнең суытачагын кисәттеләр. Ял көннәрендә һава температурасы −3 градуска кадәр, ә дүшәмбе көнне −5 градуска кадәр төшәргә мөмкин.