Татарстанда буада су коенганда, бала батып үлгән

Татарстанның Әгерҗе районында буада 12 яшьлек малай баткан. Бу турыда “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иткәннәр.

Кадыбаш авылында малай дуслары белән буага су коенырга барган. Билгеле бер мизгелдә дуслары аны югалткан.

Укучының мәетен Суда коткару җәмгыяте хезмәткәрләре тапкан һәм полициягә тапшырганнар. Фаҗига нечкәлекләре ачыклана.