Татарстанда берәү ялгыш авылдашын атып үтергән
Фаҗига коралны дөрес кулланмаудан килеп чыккан.
Балык Бистәсе районында 28 апрельдә урман полосасында 34 яшьлек кеше, ике көпшәле ау мылтыгы белән дөрес файдаланмыйча, 37 яшьлек авылдашына атып җибәргән. Алар икесе дә Биектауныкы булуы билгеле. Мылтык ядрәсе тигән ир-ат урында ук һәлак булган.
Бу факт буенча "Ялгыш үтерү" маддәсе буенча җинаять эше кузгатылган, бу хакта Татарстан Республикасы Эчке эшләр министрлыгы матбугат хезмәте хәбәр итте.
Эчке эшләр министрлыгы ату коралы белән сак эш итәргә өнди.
