Татарстанда бер песине сарыга буяп чыгарып ташлаганнар

Чаллыдагы бер йорт ишегалдында сары төскә буялган песи баласын тапканнар. Мескен хайванны урамда бер ир-ат күреп алган. Бу турыда «Челнинские известия» сайты хәбәр итте.

«Песины баллончиктагы буяу белән буяганнар булса кирәк. Аның тәнендә яралар да бар. Песи кашына иде. Аңа тыныч кына карап та булмады. Мин аны тиз генә юып чистарттым, киптердем, ашаттым», — дигән мәрхәмәтле ир-ат.

Хәзер песине үзенә алырга теләүче хуҗа эзлиләр, диелгән әлеге хәбәрдә.