Татарстанда бер ир тугызынчы каттан сикерә язган

Түбән Камада бер ир тугыз катлы йорт түбәсенә менеп, аска сикерәм, полициягә атам дип куркыткан. Бу турыда НТР телеканалы хәбәр итте.

Урынга шәһәрнең барлык ашыгыч хезмәтләре килеп җиткән.

Куркытучы ир исә үзе аска төшеп, күршедәге кибеткә ипигә дә кереп чыккан. Ул НТР телеканалының төшерү төркеменә һөҗүм итеп маташкан.

Якынча мәгълүматлар буенча, 30 яшьлек бу ир-ат исерек булган. Хәзер аны полициягә алып киткәннәр.