Татарстанда бер ир әнисен балта белән кыйнаган

Олы яшьтәге хатын-кызның баш сөякләре сынган, баш мие имгәнгән.

Алабуга районында бер ир-ат үзенең әнисен балта белән кыйнаган. Бу турыда "Татарстан 24" каналы хәбәр итте.

24 сентябрьдә Иске Куклюк авылында 43 яшьлек ир-ат 76 яшьлек анасы белән спиртлы эчемлекләр эчеп утырган.

Татарстан буенча Эчке эшләр министрлыгы хәбәр иткәнчә, туганнар талаша башлаган. Ир-ат, балта алып, анасына берничә тапкыр суккан. Баш сөякләре сынган, баш мие имгәнгән хатынны хастаханәгә китергәннәр.

Ир-атны исә полиция тоткарлаган.

Комментарийлар (0)