Татарстанда берәү иптәшен үтергән һәм мәетен шәһәр буйлап таратып чыккан

Түбән Камада 63 яшьлек ир-ат бергә эчкән 46 яшьлек иптәшен үтергән. Шуннан соң, мәетне чапкалап, кисәкләрен шәһәр буйлап таратып чыккан, дип хәбәр итә НТР каналы.

Алар бергә салып утырганнан соң, бәхәс купкан.

Үтерүче ир иптәшенең башына чүкеч белән берничә тапкыр суккан һәм шунда ук үтергән.

Эзләрен яшерү өчен, бу җинаятьче мәетне кисәкләргә чапкалаган һәм шәһәр буйлап тараткан.

Шушы көннәрдә социаль челтәрләрдә коточкыч сүз таралды. Авызына кеше кулы капкан эт турындагы мәгълүмат шәһәр халкы тетрәндерде, диелә телеканал хәбәрендә.