Татарстанда бер хатын ашарга пешергәндә янып үлә язган
Бу хатынны яна торган фатирдан ире алып чыккан.
Азнакайда яшәүче хатын ашарга пешергәндә янып үлә язган. Бу турыда «Татар-информ» агентлыгы хәбәр итте.
8 ноябрьдә көндез Шәйхетдинов урамындагы йортта янгын булган. Дүртенече каттагы фатир тәрәзәләреннән куе төтен чыккан.
35 яшьлек хатын ашарга пешергәндә фатирда янгын башланган. Янгын сүндерүчеләр аны фатир ишеге төбендә күреп алган. Хатынны ире фатирдан алып чыккан. Аны табибларга тапшырганнар.
Белегечләр янгын ут белән саксыз эш иткәнгә килеп чыгуы ихтимал дип фаразлый.