Татарстанда берәү, ачуыннан граната атып, киявен шартлатырга теләгән
Россия Тикшерү комитетының Татарстан буенча тикшерү органнары тарафыннан 61 яшьлек Николай Фединга карата җинаять эшен тикшерү тәмамланган. Ул Россия Җинаять кодексының 105 нче (2 нче өлеше), 30 нчы (3 нче өлеше) маддәләре (куркыныч ысул белән үтерергә җыену); 222 нче маддәнең 1 нче часте (хәрби кирәк-яракларны законсыз саклау) буенча җинаятьләр кылуда гаепле табылган.
Тикшерү версиясе буенча, 2017 елның 16 нчы апрелендә Спас районы Ким совхозында Николай Фединның кызы ире белән ачуланыша. Үпкәләгән кыз иренә зарланып, әтисенә мөрәҗәгать итә. Соңгысы исерек хәлдә була, ачуыннан соңгы 15 елда өендә саклаган РГД-5 гранатасын алып, кияве янына китә. Котельнаяга кереп, гранатаны киявенә ыргыта. Бәхеткә, ир-ат бинадан йөгереп чыгып котыла, нәтиҗәдә, кыйпылчыклар аяк-кулларын гына яралый. Шул ук вакытта, һөҗүм вакытында күрше бүлмәдә Фединның 7 һәм 8 яшьлек оныклары да була.
Федин җинаять кылуга катнашын тулысынча таныган. Тикшерүче үтенече буенча, аны сак астына япканнар. Тикшерү җитәрлек күләмдә дәлилләр базасы туплаган, моңа бәйле рәвештә, расланган гаепләү йомгагы белән җинаять эше судка тапшырылган. Бу хакта Россия Федерациясе Тикшерү комитетының Татарстан буенча тикшерү идарәсе җитәкчесе ярдәмчесе хәбәр итә.
Федин җинаять кылуга катнашын тулысынча таныган. Тикшерүче үтенече буенча, аны сак астына япканнар. Тикшерү җитәрлек күләмдә дәлилләр базасы туплаган, моңа бәйле рәвештә, расланган гаепләү йомгагы белән җинаять эше судка тапшырылган. Бу хакта Россия Федерациясе Тикшерү комитетының Татарстан буенча тикшерү идарәсе җитәкчесе ярдәмчесе хәбәр итә.