Татарстанда балконнан сикергән хатынның аягына тимер таяк кергән һәм тишеп чыккан
Коткаручылар тимер таякны кисеп алгач, хатын-кызны "ашыгыч ярдәм" машинасы хастаханәгә алып киткән.
6 октябрьдә кичке сигез тирәсендә Чаллыда 36 яшьлек хатын балкон тәрәзәсеннән сикерә. Бу турыда "Челнинские известия" сайты хәбәр итте.
ГЭС бистәсендә урнашкан йортның беренче этажындагы фатир балконыннан сикергән хатын җирдәге таяк өстенә төшә. Тимер таяк аның аягына керә һәм аркылы тишеп чыга.
Урынга килгән коткаручылар тимер таякны кисеп ала. Имгәнгән хатын-кызны "ашыгыч ярдәм" машинасы хастаханәгә алып китә.
