Татарстанда бала тапканда үлгән хатынның игезәк кызларына исем кушканнар

Радик һәм Дилә Фәтхуллиннар 15 ноябрьдә никахларын рәсмиләштерә. Шушы көннәрдә гаиләдә игезәк балалар туарга тиеш була. Бу гаиләдә Диләнең ун яшьлек улы Әмирхан үсеп килә. Ләкин 22 ноябрьдә бала тапканда, Дилә вафат була.

«Өч баласы ятим калды»: Татарстанда яшәүче 33 яшьлек хатын бала тапканда үлгән. Тулгагы башланган хатынны Казанга илтмиләр, Биектауда хастаханәгә салалар, дип язган идек.

25 ноябрьдә Радик балаларына туу турында таныклык рәсмиләштерә. Ул кызларга Асыльяр һәм Айзилә дип исем биргән. Дилә дә кызларына шундый исем кушарга теләгән булган. Радик туу турында таныклар белән фотосын социаль челтәргә куйды. Ул ярдәм итүчеләргә рәхмәт әйтте.

Кичә Радик инстаграмдагы сәхифәсендә балаларына исем куштыру турында хәбәр итте.

«Кичә нәни сабыйларыма Алмаз хәзрәт исем кушты. Аллаһка шөкер. Рәхмәт барыгызга да. Якынлашып килүче Яңа ел белән, хөрмәтле дусларым», — дип яза өч бала белән тол калган ир.

Посмотреть эту публикацию в Instagram

Кичэ нэни сабыйларыма Алмаз хэзрэт исем кушты. Аллага шокер? Барыгызга да зур рэхмэт ? Якынлашып килуче Яна ел белэн, хормэтле дусларым "Вчера моим маленьким крошкам Алмаз хэзрэт дал имена. Слава Богу ? Всем огромное спасибо ? С наступающим Новым годом, мои дорогие друзья"

Публикация от Радик Ф (@yfathullin) 28 Дек 2019 в 11:32 PST

«Кыз да кочасым килә дия иде»: Арча кызы Дилә игезәк балалар тапканда һәлак булды.

«Сабыйларның хәле яхшы»: Хатыны бәби тапканда үлгән әти кеше кызларын күрергә барган.