Татарстанда аждаһа татуировкасы төшерелгән ир-атны эзлиләр
Былтыр 25 яшьлек ир-ат баласына кием-салым алырга Чаллыга киткән булган.
Менделеевск шәһәрендә яшәүче 25 яшьлек Олег Чураев исемле ир-ат югалган. Ул 2018 елның 9 гыйнварында өйдән чыгып киткән һәм шуннан бирле әйләнеп кайтмаган. Бу турыда «Челнинские известия» сайты хәбәр итте.
Олегның хатыны бәби көтә. Булачак әти Чаллыга бала киемнәре алырга китә һәм әйләнеп кайтмый.
Хәзер Олегны хатыны һәм нәни балалары өйдә көтеп тора.
Олегның кулында беләзектән терсәгенә кадәр аждаһа сурәте белән татуировка төшерелгән, диелә бу хәбәрдә.
Үзе белән паспорты һәм хәрби билеты булган.
