Татарстанда авыл хуҗалыгы оешмасы җитәкчесе фаҗигале һәлак булган
Хуҗалык җитәкчесе ике авыл арасында юлда авариягә очраган.
Баулы районының «Кызыл Яр» авыл хуҗалыгы предприятиесе җитәкчесе фаҗигале һәлак булган. Бу турыда «Слава труду» сайты хәбәр итте.
Фәрит Фәтхетдинов алтмышынчы яшендә булган. Ул бүген, 4 октябрьдә, юл һәлакәтендә үлгән.
Кызыл Яр һәм Яңа Баулы авыллары арасындагы автомобиль юлында көндезге дүртләр тирәсендә авария булган. Һәлакәттә «Кызыл Яр» ачык акционерлык җәмгыяте җитәкчесе Фәрит Фәтхетдинов үлгән, диелгән әлеге хәбәрдә.
Район басмасы мәрхүмнең якыннарының кайгысын уртаклаша.
