Татарстанда автомобиль һәм мотоблок белән юл фаҗигасендә бер кеше һәлак булган

Кичә кич Татарстанның Тәтеш районында юл фаҗигасе булган. 1958 елгы йөртүче идарә иткән Renault автомобиле алдан барган мотоблокка бәрелгән, дип яза «Тетюши Онлайн» телеграм-каналы.

Бәрелү нәтиҗәсендә мотоблок пассажирын каршы як полосага очып чыга һәм Skoda автомобиленә бәрелә. Ул шунда ук һәлак булган. Мотоблок йөртүчесе төрле тән җәрәхәтләре алган.

Әлеге юл-транспорт һәлакәтенең сәбәпләре ачыклана.

Россия Эчке эшләр министрлыгының Татарстан Республикасы буенча Дәүләт автоинспекциясе юл хәрәкәте кагыйдәләрен катгый рәвештә үтәргә чакыра!