Татарстанда атасы улын үтергән һәм үзе асылынган

Тукай районындагы авылда ике ир-ат мәете табылгач, Россия Тикшерү комитетының Татарстан буенча идарәсенең Тукай районы буенча бүлегендә җинаять эше ачылган.

Йорт ишегалдында үтерелгән 31 яшьлек ир мәете табылган. Йорт янын тикшергәндә, сарайда асылынган 70 яшьлек ир-ат мәетен күреп алганнар.

Башлангыч мәгълүматлар буенча, алкоголь кулланучы улы белән мөнәсәбәтләре начар булган ата улына пычак белән кадаган. Улын үтергән һәм үзе дә асылынып үлгән, дип хәбәр итте «Татар-информ» агентлыгы.

Бу вакыйга буенча җинаять эше ачылган.