Татарстанда юл һәлакәтендә алты яшүсмер үлгәннән соң, җинаять эше кузгатылды. Бу турыда «Татар-информ» яза.
Фаҗига узган төндә Яшел Үзән районында була. Биредә Chevrolet автомобиле агачка бәрелә һәм аңа ут каба.
Машинада җиде яшүсмер булган. Аларның алтысы һәлак, берсе авыр хәлдә Яшел Үзән үзәк район хастаханәсенә китерелгән.
Россия Тикшерү комитетының Татарстан буенча тикшерү идарәсе хәбәр иткәнчә, әлеге факт буенча юл хәрәкәте кагыйдәләрен бозу маддәсе нигезендә җинаять эше кузгатылган.