Татарстанда 56 баланы көчләгән ир-атка карата хөкем карары чыгарылды
Татарстанда яшәүче ир-ат балигъ булмаган балаларның җенси кагылсызлыгына каршы җинаятьләр сериясендә гаепле дип табылган.
Бүген Әлмәттә 56 баланы көчләгән 34 яшьлек ир-атны хөкем иттеләр. Әлмәт шәһәре прокуратурасы аңа карата җинаять эше буенча дәүләт гаепләвен хуплаган, дип хәбәр итә ТР Прокуратураның рәсми сайты.
Суд ирне Россия Федерациясе Җинаять кодексының 132 нче маддәсенең 4 нче часте (14 яше тулмаган затка карата, зыян күрүченең ярдәмчесез булуыннан файдаланып, җенси характердагы көчләү гамәлләре), 135 нче маддәнең 2 нче часте (14 яше тулмаган затка карата азгын гамәлләр кылу), 134 нче маддәнең 3 часте (16 яше тулмаган үсмерләр белән җенси якынлык кылу), 242 нче маддәнең 2 нче часте (порнографик материалларны законсыз әйләнешкә кертү) буенча гаепле булуын таныган.
Тикшерү һәм суд 2015-2016 елларда ир-атның социаль челтәрләрнең берсендә 11 яшьлек кыз һәм 14 яшьлек малай исеменнән ике уйдырма бит ачканын ачыклаган. Шулар ярдәмендә ир-ат 10-14 яшьлек балалар белән таныша һәм, очрашып, аларга карата сексуаль характердагы гамәлләр кылырга керешә. Аның гамәлләреннән Әлмәт, Минзәлә, Бөгелмәдән, барлыгы 56 бала (шуларның 51е – кызлар, 5се – малайлар) зыян күргән. Ир-ат корбаннары белән я гаражда очрашкан, йә аларга кунакка барган.
Ир-ат үз гаебен таныган, дип хәбәр ителә прокуратура хәбәрендә.
Суд карары белән, ир-атка кырыс режимдагы төзәтү колониясенә 19 елга ирегеннән мәхрүм итү җәзасы бирелгән.