Татарстанда 17 яшьлек үсмер әбисен вәхшиләрчә кыйнаган да урманда карга күмеп калдырган
Лаеш районының Державино авылында 17 яшьлек үсмер әбисен вәхшиләрчә үтергән дә урманга качкан. Бу турыда «Татарстан 24» каналы хәбәр итте.
Тикшерүчеләр ачыклаганча, җинаять 18 февральдә була. Егетнең психиатрда дәваланган булуы билгеле. Ул әбисенә һөҗүм итә, аяклары белән типкәләп кыйный, буып үтерергә маташа. Әби аңың югалтып егылгач, малай аны чанага салып, урманга алып китә. Әбинең гәүдәсен кар астына күмеп калдыра. Ул шунда үлә.
Малай урманда качып ята, ләкин 19 февральдә өйгә кайта. Биредә аны тоткарлыйлар. Ул гаебен таныган. Тикшерү бара, диелә хәбәрдә.