Татарстанда 11 яшьлек малайны үз әнисе имгәтеп ташлаган
Төнге унбер тирәсендә «ашыгыч ярдәм» белән баланы хастаханәгә китергәннәр.
Чаллыда 36 яшьлек хатын 11 яшьлек улын кыйнап ташлаган. Баланы хастаханәгә китергәннәр. Бу турыда «Челнинские известия» хәбәр итте.
22 октябрьдә кичке унбер тирәсендә Чаллы хастаханәсенә мәктәп укучысын китерәләр. Бала кыйналган була. Табиблар күкрәк читлеге имгәнгән, баланың эчендә травма дип диагноз куйган.
Баланы сораштырганнан соң, аны үз әнисе кыйнаганы ачыклана. 36 яшьлек хатынның шундый вәхшилекне ни сәбәпле кылганы әлегә билгесез. Балигъ булмаган балалар эшләре буенча инспекторлар вакыйганы ачыклау белән шөгыльләнә, диелгән әлеге хәбәрдә.
