Татарстанда 100 мең акча бирсеннәр өчен, баланы кайда табарга?
Авылда өч ел яшәп, беренче һәм өченче баласын тапкан хатыннарга Татарстанда өстәмә акча бирәләр.
![Татарстанда 100 мең акча бирсеннәр өчен, баланы кайда табарга?](https://intertat.tatar/resize/shd/images/uploads/news/2018/2/16/b8c972afabb3a6f57326eca34263719e651ce3a08fec07f64b8351b84922.jpg)
Карарны Татарстан Республикасы Президенты Рөстәм Миңнеханов имзалаган.
"Татар-информ" социаль яклау министры Эльмира Зарипова сүзләрен җиткерде: "Авылда яшәп, беренче баласын 25 яшькәчә тапкан хатын-кызлар - 50, өченче баласын 28 яшькәчә тудырган әниләр 100 мең сум өстәмә түләүгә дәгъва кыла ала. Ике очракта да төп шарт булып, хатын-кызның авылда өч ел яшәве тора", - диде министр.
Әлеге категориягә караган хатын-кызлар, 2018 елның 1 гыйнварыннан соң бала тапкан булса, социаль яклау бүлекчәләренә 6 ай дәвамында мөрәҗәгать итә ала. Гариза 10 көн эчендә карала.