Татарстан юлларында якын көннәрдә бозлавык көтелә, дип кисәтә белгечләр. Бу турыда «Татар-информ» яза.
Синоптиклар фаразлавынча, алдагы көннәрдә республика территориясендә яңгыр рәвешендә явым-төшемнәр көтелә, юлларда бозлавык хасил булырга мөмкин. Төнлә һава температурасы нульдән түбән төшүе ихтимал.
Татарстан Дәүләт автоинспекциясе машина йөртүчеләргә начар һава шартларында юлларда иминлек кагыйдәләрен искә төшерә:
- Машиналар арасында дистанцияне арттырырга кирәк.
- Кискен тормозлаудан сакланыгыз.
- Каршы як полосага чыгу белән бәйле куркыныч маневрлардан тыелыгыз.
- Хәрәкәт тизлеге һава һәм юл шартларына туры килергә тиеш.
Автоинспекторлар шулай ук автомобильләрне кышкы шартларга әзерләргә кирәклеген искәртә һәм игътибарлы булырга, юл кагыйдәләрен үтәргә чакыра.