Татарстан йөртүчесе Юрүзән янында һәлакәттә имгәнгән - фото

30 августта иртәнге 8 дә М5 трассасының 1644 нче километрында Чиләбе өлкәсендәге Юрүзән шәһәре тирәсендә юл һәлакәте булган. Бу турыда “Вести Камаза” сайты хәбәр итте.

Башлангыч мәгълүматлар буенча, Иркутск өлкәсеннән килә торган “Freightliner” машинасы юлда куркынычсыз тизлек сайламыйча, Яңа Уренгойдан килә торган “Porsche Cayenne” машинасына яннан бәрелгән. Шуннан соң ул Татарстаннан килүче “МАN” йөк машинасына да килеп кергән.



Бәрелешкәннән соң, бөтен машиналар да юл кырыена төшеп киткән. “Freightliner” машинасы капланып, яна башлаган.

  

Авариянең сәбәпчесе булган машина йөртүче урында ук үлгән. Татарстаннан килүче машинаның кабинасы җитди җимерелгән. Йөртүче төрле травмалар алган, аны хастаханәгә озатканнар. “Porsche Cayenne” машинасында утырган пассажир имгәнгән, диелгән әлеге хәбәрдә.