Татарстан табибларына хезмәт хакы 15 апрельгә түләнеп бетәчәк
Медицина хезмәткәрләренең бер өлеше март аенда хезмәт хакын тулысынча алмаган дигән мәгълүмат чыккан иде.
Татарстан табибларына хезмәт хакы 15 апрельгә кадәр тулысынча түләнәчәк. Бу хакта Татарстан сәламәтлек саклау министры урынбасары Айрат Гарипов хәбәр итте.
Медицина хезмәткәрләренең бер өлеше март аенда хезмәт хакын тулысынча алмаган дигән мәгълүмат чыккан иде.
Март өчен билгеләнгән хезмәт хакы түләү вакыты 15 апрельдә тәмамлана, ул вакытка кадәр түләүләр тулы күләмдә башкарылачак, дип аңлаттылар Татарстан Сәламәтлек саклау министрлыгында.
«Мәсьәлә Татарстан Сәламәтлек саклау министрлыгы һәм Татарстан Финанслар министрлыгы җитәкчелегенең контролендә тора. Түләүләр якындагы дүшәмбе-сишәмбе көннәренә билгеләнгән», — диде Айрат Гарипов.
Табибларга хезмәт хакы тулы күләмдә түләнәчәк.