Татарстанның Балалар республика клиник хастаханәсе һәм Республика клиник хастаханәсе табиблары 17 яшьлек үсмернең өзелгән кул чугын кабат тоташтырып кую буенча операция ясаган. Бу турыда «Татар-информ» Балалар республика клиник хастаханәсенең матбугат хезмәтенә сылтама белән хәбәр итте.
Үсмер, утын ярган чакта, балта белән кулын чабып өзгән. Табиблар егеткә өч катлаулы операция ясаган.
«Хирургик операцияләр – кул чугын реплантацияләү, нурлы артерияне ревизияләү, тромблэктомия, тукымаларны некроэктомияләү ясалды», – дигәннәр клиникада.
Хәзер үсмер егет кул бармакларын кыса ала башлаган, диелә хәбәрдә.
