Татарстан табиблары 14 яшьлек үсмер гомерен саклап калу өчен көрәшә
Сөякләре сынып беткән бала реанимация бүлегендә ята.
Чаллыдагы ашыгыч ярдәм хастаханәсе табиблары инде икенче көн рәттән 14 яшьлек бала гомерен саклап калу өчен тырыша. Бу турыда «Челнинские известия» сайты хәбәр итә.
Үсмерне хастаханәгә ашыгыч ярдәм китерә. Хәзер ул реанимация бүлегендә ята.
Баланы 15 гыйнварда, аңсыз килеш тапканнар. Ул ГЭС бистәсенең 10 комплексында үзе яши торган йорт янында табыла.
Үсмер биеклектән егылып төшкән дип фаразлана. Аның башы, үпкәләре имгәнгән, сөякләре сынган. Бу баланың 68 яшьлек опекун-әбисе белән яшәве билгеле. Ул хәзер шок халәтендә.
Фаҗига ничек килеп чыкканы әлегә билгеле түгел. Бу эш белән балигъ булмаганнар эше буенча инспекторлар шөгыльләнә.