Татарстан спорт министры урынбасары Хәлил Шәйхетдинов хезмәттәшләренә зарядка ясата
Ул иртәнге зарядка видеоларын куйган.
Татарстан спорт министрының беренче урынбасары Хәлил Шәйхетдинов эштә зарядка ясаткан видео куйган.
«Һәр иртә эш көне алдыннан хезмәттәшләрем белән зарядка ясыйбыз. Сәламәт тәндә — сәламәт акыл!», «Бәйрәм яхшы, ә иртәнге зарядка һәр көнне кирәк», дип язган ул видеолар янына.
Бу идеяне хуплаганнар. Элекке чордагы зарядкаларны искә төшергәннәр.
Инстачылар: «Шәп», «Искитмәле идея! Безгә дә көнне шулай башларга кирәк», «Афәрин, Хәлил абый», «Челендж ясарга кирәк», - дип комментарий калдырганнар.
«Әлбәттә, сәламәтлек өчен бик яхшы. Аннары тирләгән килеш эшләргә кирәк», - дип язган берсе.
