Татарстан районнарында эчә торган суга бәя ничә сумга арта?
Су бәясе һәр райнда төрлечә була.
1 июльдән Татарстанда эчә торган суның бәясе артачак. Бер кубометр эчә торган суның уртача бәясе 25,37 сумга җитәчәк. Бу хакта Татарстан Тарифлар буенча дәүләт комитеты йомгаклау коллегиясендә билгеле булды, дип яза "Татар-информ".
Кайбыч районында эчә торган суның бәясе аз күтәреләчәк, бер кубометр өчен 17,7 сум түләргә кирәк булачак. Ә Әлмәт (кубометры 42,42 сум), Тукай (43,33 сум) һәм Тәтеш районнарында (48,28 сум) су бәясе күпкә артачак.
1 июльдән Казанда эчә торган су бәясе 20 сумнан артып китәчәк.
