Бүген Казанның Салих Сәйдәшев исемендәге Зур концертлар залында Татарстанның сайланган Рәисе Рөстәм Миңнехановның вазифага керешү тантанасы уза. Ул республиканың ике дәүләт телендә – татар һәм рус телләрендә ант бирәчәк.
Әлеге чараларның туры трансляциясен «ТНВ-Татарстан» һәм «ТНВ-Планета» телеканаллары эфирында, шулай ук «ТНВ» каналы социаль челтәрләренә һәм TNV.RU сайтында карап була.
Татарстан Рәисен сайлау бердәм тавыш бирү көнендә – 14 сентябрьдә узды. Анда Рөстәм Миңнеханов җиңде. Аның өчен сайлаучыларның 88,09 проценты тавыш бирде, дип яза «Татар-информ».