![Татарстан прокуратурасы ветераны Равил Усманов 56 яшендә вафат булган](https://intertat.tatar/resize/shd/images/uploads/news/2023/11/6/a97ef6b379bf633798ae6a99f852d79b.jpg)
6 ноябрьдә Татарстан прокуратурасы ветераны Равил Усманов 56 яшендә вафат булган. Бу турыда Татарстан прокуратурасы «Татар-информ»га хәбәр иткән.
Равил Усманов Казанның Идел буе районы прокуратурасында 1997 елда тикшерүче булып эшли башлый, аннары өлкән тикшерүче була.
2000 елның июлендә аны Азнакай шәһәр прокурорының урынбасары итеп куялар. 2011 елда ул, хезмәт еллары тулып, отставкага чыга.
«Татарстан Республикасы прокуратурасы җитәкчелеге һәм коллективы мәрхүмнең туганнарының һәм якыннарының тирән кайгысын уртаклаша», – дип сөйләгән Татарстан прокурорының өлкән ярдәмчесе Руслан Галиев.
Равил Усмановны соңгы юлга озату 7 ноябрьдә 10. 00 сәгатьтә Азнакай моргы бинасы янында була. Аны Азнакай шәһәр зиратында җирлиләр, диелә хәбәрдә.